Pet Pet星丨羅凱鈴Judas領養2個月大芝娃娃BB狗 13歲冬冬因有伴變得活力充沛

2023/02/05

晴報

歌手羅凱鈴（Judas）近日在社交平台分享新「親密照」，是她錫錫愛犬小白的照片，她表示領養小白已經4個月時間，藉著自己的故事鼓勵各位「領養代替購買」，讓流浪小動物可以有一個溫暖的家。稱︰「你真係越嚟越可愛又靚仔，日日都好想係咁啜你、抱你、搞住你，你要健健康康、開開心心呀！我同殷殷都會錫哂你同冬冬！」

Judas接受《晴報》電話訪問，表示領養小白的主因，乃是為了家犬冬冬，她說：「領養咗啱啱4個月，我都有養緊一隻狗仔叫冬冬，佢今年13歲，年老嘞，而家都少咗出街，所以就想有隻狗仔喺屋企陪吓佢，唔好咁悶。」她在網上見到小白的照片，心態上亦準備好多養一隻，跟女友殷殷商量好之後就決定帶牠回家。問到為何叫小白？她說：「佢頭頂有一少部分係白色，同埋手掌腳掌都係白色，咁就即係有少少白色，咁我哋就叫佢做小白。」

現時6個月大的小白咬爛屋企不少物品，問到是否狗BB較頑皮？Judas說：「佢喺屋企會咬吓嘢，唔係成日咁樣做，暫時算乖嘅，同埋都畀咗好多玩具、骨嗰啲佢咬，唔算搞破壞。不過，有時小便會對唔正位，側咗少少，咁我同殷殷就會輪流用嚴厲少少嘅語氣畀佢知道做得唔啱，暫時嚟講，情況係越嚟越進步，佢越嚟越乖。」

13歲的冬冬要接受這個乳臭未乾的小豆丁，到底是否可以適應呢？兩隻狗又是否會爭風吃醋？Judas稱：「佢哋一開頭唔係好熟咁，冇乜點理對方，之後就會互相交換床瞓吓，又會聞吓對方，而家已經熟哂嘞！佢哋有時為零食而鬧交，都算和平嘅，我哋都唔太擔心。我觀察冬冬，明顯因為小白嚟咗而活潑咗，多咗走動，所以我哋都好開心。」